प्रधानसेनापति थापा र बंगलादेशका सेना प्रमुख अहमदबीच शिष्टाचार भेटवार्ता
आइतबार, २६ माघ २०७६, २२ : २१
काठमाडौं । प्रधानसेनापति पूर्णचन्द्र थापा र बंगलादेशका सेना प्रमुख जनरल अजिज अहमदबीच शिष्टाचार भेटवार्ता भएको छ । नेपाली सेनाको मुख्यालय भद्रकालीमा सेना प्रमुखद्वय थापा र अहमदबीच शिष्टाचार भेटवार्ता भएको हो ।
भेटवार्ताको क्रममा उहाँहरुबीच द्दिपक्षीय हित तथा पारस्पारिक सम्बन्धका विषयमा छलफल भएको नेपाली सेनाको मुख्यालय जंगी अड्डाले जनाएको छ ।
छिमेकी मित्रराष्ट्रका उच्च पदस्थ सैनिक अधिकारीहरुको यस किसिमको भ्रमणले दुई देशबीचको सैनिक सम्बन्ध थप सुमधुर एवम् प्रगाढ बनाउन थप मद्दत पुग्ने विश्वास नेपाली सेनाले लिएको छ ।