आस्था राउतले प्रहरीसँग खिचाएको फोटो पोष्ट गर्दै गरिन् यस्तो प्रशंसा
काठमाडौँ । गायिका आस्था राउतले अन्तर्राष्ट्रिय महिला श्रमिक दिवस ८ मार्चको अवसरमा प्रहरीको प्रशंशा गरेकी छिन् ।
गत माघ ३ गते त्रिभुवन अन्तर्राष्ट्रिय विमानस्थलमा खटिएकी महिला प्रहरीलाई गालीगलौज गरेर विवादमा तानिएकी गायिका राउतले आइतवार महिला प्रहरीसहितको फोटो पोष्ट गर्दै प्रहरीको प्रशंसा गरेकी हुन् ।
फेसबुकमा ‘के छ यहाँ घटीबढी जोख्न छैन तुलो, बदलाको कुराभन्दा क्षमा गर्नु ठूलो,’ गायिका राउतले लेखेकी छन् । महिला प्रहरीसहित फेसबुकमा पोष्ट गरेको फोटो नेपालगञ्ज विमानस्थलमा खिचिएको गायिका राउतले बताइन् ।
गत माघमा काठमाडौँबाट झापा जाने क्रममा राउतले त्रिभुवन अन्तर्राष्ट्रिय विमानस्थलमा खटिएकी एक महिला प्रहरीलाई अपशब्द बोलेको भन्दै उनको सामाजिक सञ्जालमा चर्को आलोचना भएको थियो ।
उनीविरुद्ध उजुरी परेपछि प्रहरीले नियन्त्रणमा लिएर धरौटीमा छाडेको थियो ।