‘चिनी कम रंग कडा’ अमेजन मार्फत सार्वजनिक
मङ्गलबार, २३ असार २०७७, १२ : ५३
काठमाडौं । फिल्म ‘चिनी कम रंग कडा’ सार्वजनिक भएको छ । कोरोनाको कारण फिल्मको रिलिज अनिश्चित बनेपछि निर्माण युनिटले फिल्म अमेजन प्राइम भिडियो मार्फत सार्वजनिक गरेको हो ।
अमेजन प्राइम भिडियो मार्फत रिलिज भएपछि यो फिल्म हाल अमेरिका र बेलायतमा हेर्न मिल्ने छ । नेपालमा भने केहि समयपछि प्रदर्शन गरिने निर्माण पक्षले जनाएको छ ।
मानव सुबेदी, सुशील सिटौला, अनु थापा, रविन जंग थापा, सुर्य थापा, जीवन भट्टराई, प्रकाश भुजेल लगायत कलाकारको फिल्ममा अभिनय रहेको छ ।
विवेक घिमिरेको निर्देशन रहेको फिल्म गणेश देव पाण्डेको निर्माण तथा लेखन रहेको छ । फिल्ममा मानव सुवेदीको संगीत, याचोपो रचलिक र लुका मौचेरीको छायांकन, कृष्ण भण्डारीको सम्पादन रहेको छ ।