उपभोक्ता ठग्ने तीन फर्मलाई १५ हजार जरिवाना
बिहीबार, १० भदौ २०७८, १२ : ३६
वाणिज्य, आपूर्ति तथा उपभोक्ता संरक्षण विभागले तीन वटा फर्मलाई कारबाही गरेको छ । बजार अनुगमनका क्रममा उपभोक्ता ऐन विरुद्ध कारोबार गरेको पाइएपछि उक्त फर्महरूलाई कारबाही गरिएको विभागले जानकारी दिएको छ ।
विभागले आयो आद्य स्टोर, आले किराना स्टोरलाई र साईबाबा ट्रेडर्सलाई समान ५/५ हजार रुपैयाँ जरिवाना तिराएको हो । उनीहरुले उपभोक्ता संरक्षण ऐन २०७५ को दफा ३८ को खण्ड ‘घ’ बमोजिम कसुर गरेको देखिएकाले नगद जरिवाना गरिएको विभागले जानकारी दिएको छ ।
अनुगमनका क्रममा थप दुईवटा कम्पनी/फर्ममध्ये एउटालाई सामान्य निर्देशन तथा जस्टिना स्टोर्सलाई दुई दिनभित्र विभागमा उपस्थित हुन निर्देशन दिइएको छ ।