सिरहामा करेण्ट लागेर एक महिलाको मृत्यु
सोमबार, १२ असार २०७४, १० : २३
सिरहा – सिरहाको धनगढीमाई नगरपालिकामा करेण्ट लागेर एक महिलाको ज्यान गएको छ ।
मृत्यु हुनेमा धनगढीमाई नगरपालिका ९ चैनपुर बस्ने ५६ बर्षीया सहना खातुनको मृत्यु भएको प्रहरीले जनाएको छ ।
खातुनको पानी तान्ने मोटरबाट करेन्ट लागेर ज्यान गएको प्रहरीले बताएको छ । घर नजिकै रहेको सार्वजनिक ईनारमा पानी तान्ने क्रममा विजुलीको तार सर्ट भई खातुनलाई अचानक करेन्ट लागेको थियो ।
करेन्ट लागेर गम्भिर घाइते भएकी उनलाई उपचारको लागी लहानतर्फ ल्याउने क्रममा बाटोमै मृत्यु भएको इलाका प्रहरी कार्यालय धनगढीले जनाएको छ ।
घटनाबारे थप अनुसन्धान भइरेहको प्रहरीले जनाएको छ । मृतकको शव पोष्ठमार्टमको लागि लहानस्थित अस्पताल लगिएको जिल्ला प्रहरी कार्यलयका सिरहाले जनाएको छ ।