लुम्बिनी प्रदेशको मन्त्रिपरिषद बैठकले गर्यो ९ निर्णय
लुम्बिनी प्रदेशको मन्त्रिपरिषद बैठकले विभिन्न ९ निर्णय गरेको छ । सोमबार साँझ बसेको बैठकले लुम्बिनी प्रदेशको राजधानीको गुरुयोजना स्वीकृतीदेखि परिमार्जित सञ्चार विद्येयक प्रदेशसभामा प्रवेश गर्न स्वीकृती दिनेसम्मका निर्णय गरेको हो ।
लुम्बिनी प्रदेशमा २०७९ सालको सार्वजनिक, पर्व विदा र कार्यालय समय पनि स्वीकृती गरेको छ । यस्तै कानुन महिला तथा बालबालिका मन्त्रालयले विज्ञ सदस्य तथा सदस्यहरु मनोनीत गर्ने भएको छ । लुम्बिनी प्रदेश यातायात लिमिटेड स्थापना गर्ने पनि बैठकले निर्णय गरेको छ ।
यस्तै प्रदेशमा निःशुल्क रक्तसञ्चार कार्यविधि, प्रदेश अस्पताल तथा मेडिकलमा विशेषज्ञ चिकित्सक परिचालन तथा संचालन कार्यविधि स्वीकृती गरेको एक मन्त्रीले बताए । यस्तै प्रदेश स्वास्थ्य विशेष आर्थिक सुविधा संशोधन गरेको छ । प्रदेश स्वास्थ्य साझेदारी कार्यक्रम संचालन तथा व्यवस्थापन निर्देशिका स्वीकृती गरेको छ ।