प्रवास समन्वय समितिद्वारा नारायण कँडेल निलम्बित
सोमबार, ०६ असार २०७९, १८ : २६
नेकपा माओवादी केन्द्रको प्रवास समन्वय समितिले नारायण कँडेललाई निलम्बन गरेको छ । नेपाली जनप्रगतिशील मञ्च अमेरिकामा समानान्तर कमिटी बनाउन भूमिका खेलेको भन्दै उनलाई समितिको कार्यालय बैठकले अनुशासनको कारबाही गरेको हो।
मञ्चको प्रथम अधिवेशन सम्पन्न भइसकेपछि कँडेलले अर्को समानान्तर कमिटी बनाउन भूमिका खेलेको तथा स्वयम् त्यसको सल्लाहकार बनेको आरोप उनीमाथि लगाइएको छ । उनलाई स्पष्टीकरण सोधिए पनि चित्तबुझ्दो नदेखिएपछि समितिलगायत संगठनको सम्पूर्ण जिम्मेवारीबाट अनिश्चितकालका लागि निलम्बन गरिएको अध्यक्ष ओम शर्मा र सचिव टीबी पाठकद्वारा हस्ताक्षरित पत्रमा उल्लेख छ।
कँडेलले एमालेसँग समेत साँठगाँठ गरेको आरोप लगाइएको छ ।