एक्सक्लुसिभ स्टोरी
युनिकोड
मिति रूपान्तरण
कविताः मकल बनाइएको युक्रेन
शनिबार, ०५ कात्तिक २०७९, ०७ : ३५
अलिकति बीउ आगोको
खै कहिले राखी दियो मकलमा
आगो खेल्ने चतुरहरुले
त्यस उप्रान्त फुक्न थाले
कहिले मकलनिर आएर
कहिले टाढा बसेर
र, त्यो आगो सल्केर
जब पोल्ने अवस्था आयो
मकलको आगो निभाउने
र दन्काउने द्वन्द्व चर्किन थाल्यो
र, त
मकल अग्नीकुण्डमा परिणत भए
एकातिर घिउ थपेर
अर्कोतिर आगो बर्साएर
आगो निभाउने बहानामा
परैबाट आगो तापेर
दन्केको आगो हेरेर
फेरि योजना बनाउदैछन्
विभिन्न तरिकाले फेरि पनि घिउ थप्न
मकल बाहिरसम्म आगो लगाउने चेष्टाले
उता आगो निभाउन
आगाका डल्लाहरु फाल्दैछन्
मकलमाथि फेरि फेरि पनि ।
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
