मस्कको नयाँ घोषणा ट्रम्पका लागि निराशाजनक ?
ट्वीटरका नयाँ मालिक एलन मस्कले सामाजिक सञ्जाल प्लेटफर्मले तत्कालै ट्विटरको कन्टेन्ट मोडरेसन नीतिमा तत्कालका लागि कुनै परिवर्तन नहुने बताउँदै पहिले प्रतिबन्धित गरिएका खाताको प्रतिबन्ध हटाउने अनुमान अन्त्य गरेका छन्।
मस्कले आफ्नो ट्वीटर ह्यान्डलबाट केही घण्टाअघि गरेका ट्वीटमा यो जानकारी दिएका हुन् । उनले लेखेका छन्, ‘मलाई स्पष्ट गर्न दिनुहोस् कि हामीले ट्विटरको कन्टेन्ट मोडरेसन नीतिहरूमा अहिलेसम्म कुनै परिवर्तन गरेका छैनौं।"
अर्को ट्वीटमा उनले कन्टेन्ट मोडरेसन काउन्सिल गठनको घोषणा गरेका थिए । उनले यसमा लेखेका छन्, ‘ट्विटरले फराकिलो र विविध परिप्रेक्ष्यमा विचार गर्न कन्टेन्ट मोडरेसन काउन्सिल स्थापना गर्नेछ। काउन्सिल बैठक अघि कन्टेन्टमा कुनै ठूलो निर्णय हुनेछैन, न त कुनै खाता पुनर्स्थापित हुनेछ।
इलोन मस्कले ट्विटर किनेपछि पूर्व अमेरिकी राष्ट्रपति डोनाल्ट ट्रम्पको ट्विटर एकाउन्ट रिस्टोर हुने अनुमान गरिएको थियो । भारतकी चर्चित अभिनेत्री कंगना रनौतको ट्विटर अकाउन्ट पनि सस्पेन्ड गरिएको छ । कंगनाका समर्थकहरूले पनि एलोन मस्कमाथिको प्रतिबन्ध हटाउन माग गरिरहेका थिए। तर मस्कको हालैको घोषणाले दुवैलाई निराश पार्न सक्छ।
बीबीसी