आइतबार, ०६ असोज २०८१
ताजा लोकप्रिय
समाचार

बिक्री नभएपछि सुन आयात बन्द

बिहीबार, २१ पुस २०७९, १३ : ०३
बिहीबार, २१ पुस २०७९

काठमाडाै‌ । बजारमा सुनको माग नभएपछि विदेशबाट हुने आयात रोकिएको छ । नेपाल सुनचाँदी व्यवसायी महासंघले विदेशबाट हुने सुनको आयात रोकिएको जानकारी दिएको हो । महासंघका अध्यक्ष मणिकरत्न शाक्यले अफ सिजन भएकाले माग नभएको र आयात समेत रोक्न अनुरोध गरेको बताए । महासंघले सुन आयात गर्ने जिम्मेवारी पाएको नेपाल बैंकर्स संघलाई सुन आयातको सिफारिस रोक्न अनुरोध गरेअनुसार आयात रोकिएको हो ।

अध्यक्ष शाक्यले भने, ‘यतिबेला नेपाली बजारमा सुनको मूल्य वर्षकै उच्च बिन्दुमा छ । यहि कारण, सुनको माग छैन । यस्तै, पुस महिना सुनको अफसिजन समेत हो ।’ यहि कारण, यतिबेला सुनको आयात रोकिएको उनले बताए । वाणिज्य बैंकहरूले केन्द्रीय बैंकको स्वीकृतीमा सुन आयात गर्दै आइरहेका छन् । व्यवसायीहरूले वाणिज्य बैंकसँग बजारको माग अनुसार सुन उठाउने गरेका छन् ।
 

खबर पढेर तपाईलाई कस्तो महसुस भयो ?

प्रतिक्रिया

लेखकको बारेमा

रातोपाटी संवाददाता
रातोपाटी संवाददाता

‘सबैको, सबैभन्दा राम्रो’ रातोपाटी डटकम। 

लेखकबाट थप