एक्सक्लुसिभ स्टोरी
युनिकोड
मिति रूपान्तरण
गजल
कति खुसी छन् होलान् खै धोखा धर्नेहरु
शनिबार, ३० पुस २०७९, ०६ : ५३
कति खुसी छन् होलान् खै धोखा धर्नेहरु
मेरो आँसु भरिरहेछन् नदीमा जल भर्नेहरु
तस्विर हेर्दैछन् तस्विरले के प्रगति गर्छ र यहाँ
खुसी छैनन् प्रगतिमा डाहा गर्ने, आँखा तर्नेहरु
पासो लागेर मर्नेहरुसँग मेरो कुनै गुनासो छैन
अन्याय त्यहाँ भो कठै अरुको पासोमा पर्नेहरु
उपियाँ मार्न लगाएको बिषले पाठो मर्यो भर्खर
सानिमाँले भाग फेर्दिइन् छक्क परे बीस छर्नेहरु
बत्तिको उज्यालोमा पुतली किन जल्छ सोधें मैले
तत्काल पछि सरे सधैँ नजिक नजिक सर्नेहरु
एकै पटक छलाङ मार्दा कसैलाई सफलता मिल्दैन
हारलाई प्यारो मान्छन् पहिले संसार विजय गर्नेहरु ।
दिरुमनपा–१६, खोटाङ्ग, विजयखर्क
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
