स्वास्थ्य क्षेत्रमा परिवर्तन आउनेछ : मन्त्री गिरी
बुधबार, ११ माघ २०७९, १९ : ३३
पर्वत । स्वास्थ्य मन्त्री पदम गिरीले स्वास्थ्य क्षेत्रका समस्याहरूको पहिचान गरी परिवर्तनको प्रत्याभूति दिलाउने बताएका छन् ।
पर्वतको कुश्मा बजारमा आयोजित सातौं पर्वत महोत्सवको उद्घाटन गर्दै उनले भने,‘म अहिले स्वास्थ्य क्षेत्रका विद्यमान समस्याबारे गहिरोगरी अध्ययन गर्दछु । ती समस्या पहिचान गरेर जनतालाई भिन्नताको महसुस गराउने बाचा गर्छु ।’
उनले पर्वत जिल्लाका सातवटै स्थानीय तहमा आगामी ५ वर्षभित्र सुविधा सम्पन्न अस्पताल खोल्ने घोषणा पनि गरे ।