सुनको भाउ तोलाको १ लाख ७ हजार नजिक, चाँदी कति पुग्यो ?
बिहीबार, १२ माघ २०७९, १२ : २६
काठमाडौँ । लगातार उकालो लागेको सुनको भाउ बिहीबार प्रतितोला १ लाख ७ हजार रुपैयाँ नजिक पुगेको छ । नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा थप ७ सय रुपैयाँले बढ्दै १ लाख ६ हजार ९ सय रुपैयाँ पुगेको हो ।
अघिल्लो दिन छापावाला सुन प्रतितोला १ लाख ६ हजार २ सय रुपैयाँमा कारोबार भएको थियो । यस्तै आज तेजाबी सुनको मूल्य समेत तोलामा ७ सय रुपैयाँले नै बढ्दै १ लाख ६ हजार ४ सय रुपैयाँमा कारोबार भइरहेको महासंघले जनाएको छ । यता चाँदीको मूल्य भने अघिल्लो दिनको मूल्यमा थप १५ रुपैयाँले वृद्धि हुँदै आज १ हजार ३८० रुपैयाँमा कारोबार भइरहेको महासंघले जनाएको छ ।