रोहितको ‘शीतल शीतल’मा मलिका
बुधबार, ०३ फागुन २०७९, ०९ : ००
काठमाडौँ । दशकदेखि गीत लेखनमा सक्रिय रोहित घिमिरेको नयाँ गीत ‘शीतल शीतल’को भिडियो सार्वजनिक भएको छ । एक युगल जोडीको प्रेम र विरहको भावना समेटिएको गीत भ्यालेन्टाइन डे को अवसर पारेर सार्वजनिक गरिएको हो ।
यसअघि सान्बाबु, सँगै जिउने मर्ने कसम, तिमी पनि, मेरो फोटा दर्जनौँ गीत दिएका घिमिरेको यो गीतमा सङ्गीत सिएल शर्माले दिएका छन् । गायिका अस्मिता अधिकारी र गायक रवि शर्माको स्वर रहेको गीतको एरेन्ज पुष्कर खत्रीले गरेका हुन् ।
गीतको भिडियोमा अभिनेत्री मलिका महत र प्रिन्स चौहानको अभिनय छ । केशवराज भट्टको निर्देशन रहेको भिडियोमा मनाङ र मुस्ताङका राजकुमार र राजकुमारीको पुनर्जन्मको कथा बुनिएको छ । बुद्ध थापाको छायाङ्कन रहेको भिडियोका सम्पादक दिप्सन शाह हुन् ।