काठमाडौँ । बुधबार देशका विभिन्न जिल्लामा ९ जना मृत फेला परेका छन् । प्रहरीको दैनिक बुलेटिनका अनुसार मकवानपुर, जुम्ला, पर्सा, झापा लगायतका जिल्लामा ८ जना मृत फेला परेका हुन् । बुलेटिनका अनुसार मकवानपुरको हेटौंडा उपमहानगरपालिका–१९ मा ६० वर्षीय एक पुरुष मृत फेला परेका छन् । स्थानीय सान्नानटारस्थित गोठमा ज्याला मजदुर गरी हिँड्ने एक पुरुष मृत फेला परेका हुन् । उनको नाम र वतन भने खुलेको छैन ।

त्यस्तै जुम्लाको सिँजा गाउँपालिका– ५ सनिगाउँ बस्ने ८० वर्षीय कार्मा रोकाया पनि मृत फेला परेका छन् । रोकाया आफ्नै घरबाट करिब ५० मिटर टाढा आफ्नै बारीमा बुधबार मृत फेला परेका हुन् । उता पर्साको पर्सागढी नगरपालिका–१ कोइलाभार बस्ने ६० वर्षीय लालबहादुर भुजेल पनि मृत फेला परेका छन् । उनी आफ्नो घरदेखि करिब ३ किलोमिटर टाढा जङ्गलमा मृत फेला परेका हुन् । स्याउला काट्न जङ्गल गएका उनी सोमबारदेखि वेपत्ता थिए ।

 त्यसैगरी झापामा पनि २ वृद्धवृद्धा मृत फेला परेका छन् ।  जिल्लाको गौरादह नगरपालिका–९ मा पनि एक वृद्ध फेला छन् भने सोही नगरपालिका २ बस्ने अर्की एक वृद्धा पनि मृत फेला परेकी छन् । स्थानीय बैगुन्धुरास्थित बाङ्गे बजारमा कमल गाउँपालिका–१ बस्ने ६० वर्षीय सुनिराम हेमरम र वडा नम्बर २ बस्ने ८६ वर्षीय धनमाया ढकाल आफ्नै कोठामा बुधबार मृत अवस्थामा फेला परेकी छन् । 

यता भोजपुरको आमचोक गाउँपालिका–४ सुनरपुल बस्ने ४३ वर्षीय भद्रबहादुर बिक पनि मृत फेला परेका छन् भने चितवन रत्ननगर नगरपालिका एक युवक मृत फेला परेका छन् । रत्ननगरपालिका–७ बद्रेनीस्थित राप्ती नदीमा भरतपुर महानगरपालिका–११ बस्ने ३१ वर्षीय प्रसन्न न्यौपाने  मृत अवस्थामा फेला परेका हुन् । बुलेटिनका अनुसार रामेछापको मन्थली नगरपालिका–१३ देविटारस्थित तामाकोसी नदीको किनारमा एक पुरुषको शव भेटिएको छ । शवबारे केही नखुलेको प्रहरीको भनाई छ ।  सबै घटनाका सम्बन्धमा प्रहरीले आवश्यक अनुसन्धान भइरहेको जानकारी दिएको छ ।