एलिना र हेमन्तले ल्याए देउडा गीत ‘मायाले नै हो रैछ’
शुक्रबार, १० चैत २०७९, १२ : २३
काठमाडौँ । पछिल्लो समय धोकेबाज गीतबाट चर्चित गायिका एलिना चौहान र गायक हेमन्त शर्माको युगल गायन रहेको गीत ‘मायाले नै हो रैछ’ सार्वजनिक भएको छ ।
देउडा शैलीमा निर्माण भएको गीतले सुन्दर सुदूरपश्चिमको झल्को समेत दिन्छ । हरि उप्रेतीको शब्द रहेको गीतमा तृप्ति खड्काको सङ्गीत छ ।
समारिका ढकाल र विजय पुनको अभिनय गीतको भिडियोमा देख्न सकिन्छ । रुपेश थापाको छायाङ्कन रहेको भिडियो निकेश खड्काले निर्देश गरेका हुन् । भिडियोका सम्पादन विकास धमला रहेका छन् ।