सिद्धार्थ बैंकको सहयोगमा निर्मित नारायणी अस्पतालको डायलाइसिस भवन हस्तान्तरण
बुधबार, १५ चैत २०७९, २१ : ३२
काठमाडौँ । सिद्धार्थ बैंकको सहयोगमा निर्मित वीरगञ्जस्थित नारायणी अस्पतालको डायलाइसिस भवन हस्तान्तरण गरिएको छ । भवन निर्माण गर्न २०७९ साल असोज २६ गते नारायणी अस्पताल र राउन्ड टेबल नेपालसँग सम्झौता गरिएको थियो ।
सम्झौता बमोजिम रु.५५ लाख लागतमा उक्त डायलाइसिस भवनको प्रबलीकरण तथा निर्माण सम्पन्न गरी आज अस्पताललाई हस्तान्तरण गरिएको हो ।
नारायणी अस्पतालमा एक कार्यक्रम आयोजना गरी बैंकका सञ्चालक समितिका अध्यक्ष मनोज कुमार केडियाले सो भवनको उपयोगको दायित्व नारायणी अस्पतालका मेडिकल सुपरिटेन्डेन्ट डा. चित्रन्जन साहलाई हस्तान्तरण गरेका थिए ।