पर्वहरुले समुदायहरुबीचमा मेलमिलापको भावना विकास गर्छ : उपराष्ट्रपति यादव
बिहीबार, २३ चैत २०७९, २० : २८
काठमाडौँ । उपराष्ट्रपति रामसहायप्रसाद यादवले रमजान पर्वको अवसरमा देश तथा विदेशमा रहनुभएका इस्लाम धर्मावलम्वीहरुलाई शुभकामना दिएका छन् ।
बिहीबार काठमाडौँमा आयोजित रमजान (रोजा) समापन कार्यक्रमलाई सम्बोधन गर्दै उनले सम्पूर्ण मुस्लिम समुदायलाई पर्वको शुभकामना दिएका हुन् ।
उनले रमजान (रोजा) पर्वको विशेष महत्त्व रहेको बताए । उनले आम नागरिकहरूलाई धार्मिक कार्यमा लागिपर्न आग्रहसमेत गरे ।
उपराष्ट्रपति यादवले पर्वहरुले समुदायहरुबीचमा मेलमिलापको भावना विकास गर्ने बताए ।