एक्सक्लुसिभ स्टोरी
युनिकोड
मिति रूपान्तरण
कविता
म पोइट आइडल बन्दिन
शनिबार, २५ चैत २०७९, ०९ : २१
जब अस्तित्वले व्यापार गर्छ
म भित्रको त्यो कविता मर्छ
म कविता बेचेर किन्न सक्दिन
आमाको अस्तित्व सहजै
बिक्रीका वस्तुहरू कविता भन्दिन
अतः म पोइट आइडल बन्दिन ।
आमाले जन्माउने प्रयास मात्रै गर्दा
संसारमा मेरो अस्तित्व रहन्न थियो
प्रयासका धेरै शब्दहरु जुटाएर
हाटबजारमा स्टल थापेपछि
बिक्लान् अराजकता तर गन्दिन
अतः म द पोइट आइडल बन्दिन ।
शासकहरूले कमाउन थाल्दा
व्यापारीहरू झनै गरिब हुन्छन्
राजनीति अर्को व्यवसाय बन्छ
देश बेच्नेहरूकै शैली राखेर
धरातल डुबाउने खाडल खन्दिन
अतः म द पोइट आइडल बन्दिन ।
हेलम्बु–६, सिन्धुपाल्चोक
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
