राप्रपा अध्यक्ष लिङ्देनले गरे ८४ पटक रक्तदान
शुक्रबार, ०१ वैशाख २०८०, १७ : ४८
काठमाडौँ । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले ८४ पटक रक्तदान गरेका छन् ।
राप्रपा निकट राष्ट्रिय प्रजातान्त्रिक युवा संगठनले नयाँ वर्षको अवसरमा गरेको शुभकामना आदानप्रदान एवं रक्तदान कार्यक्रममा अध्यक्ष लिङ्देनले रक्तदान गरेका हुन् ।
त्यस अवसरमा उनले रक्तदान जस्तो पवित्र कार्यबाट वर्षको सुरुआत गर्न पाएकोमा प्रसन्नता व्यक्त गरे ।
कार्यक्रममा अध्यक्ष लिङ्देन, महामन्त्री डा.धवल शमशेर राणा, प्रवक्ता मोहन श्रेष्ठ, सांसद बिना लामा, सनातन धर्म संस्कृति संगठनका अध्यक्ष पुष्पराज पुरुष, युवा संगठन अध्यक्ष सुजित केसी, युवा मोर्चा अध्यक्ष कैलाश कटुवाललगायत ५७ जनाले रक्तदान गरेको संगठनका संयोजक सुजित केसीले जानकारी दिए ।