पाल्पाको जङ्गलमा एक जनाको शव फेला
आइतबार, ०३ वैशाख २०८०, ११ : ५७
पाल्पा । पाल्पाको जंगलमा एक पुरुषको शव फेला परेको छ । रम्भा गाउँपालिका वडा नं. ४ का ६३ वर्षीय यमबहादुर सूर्यवंशी मृत अवस्थामा फेला परेका हुन् ।
गत चैत २८ गते घाँस काट्न जङ्गल गएका सूर्यवंशी मृत अवस्थामा फेला परेका हुन् । जिल्ला प्रहरी कार्यालय पाल्पाका सूचना अधिकारी वीरेन्द्र थापाले हराइरहेका सूर्यवंशी शनिवार जङ्गलमा मृत अवस्थामा फेला परेको जानकारी दिए । प्रहरीले घटनाबारे अनुसन्धान भइरहेको जनाएको छ ।