कविता : आमा
जिउँदा, मर्दा आमा भन्न पाउँ
यो भन्दा ठूलो संसारमा कुन छ र ठाउँ ? ।१।
प्रेम र मायाको संगम दर्शन पाउँ
धर्म कर्म, मठ, मन्दिर किन धाउँ ? ।२।
अर्ति, उपदेश सधैँ दिने तिमी हौ आमा
दर्शन ढोग गरें भित्री हृदयबाट ।३।
ज्ञान र बुद्घिको तिमी हौ खानी
दुःख कष्ट कहिल्यै दिने छैन जानी नजानी ।४।
वायु, धर्ती, देवी, माता धेरै तिम्रो नाम
तिमीले देखाएको पथ र सत्कर्म पुरा गर्ने मेरो काम ।५।
माया, ममता, सधैँ सधैँ पाइराखु म चोट कहिल्यै दिन्न
आमाको बदला स्वर्गै दिए पनि मलाई चाहिन्न । ।६।
पाइला पाइलामा, प्रत्येक धड्कनमा आमा
दुःख, सुख, आपत विपद पर्दा सधँै अगाडि आमा ।७।
कसरी गरुँ तिम्रो बयान म बबुरो अज्ञानीले
दीर्घायू, प्रगति सधैँ हाँसी रहनु रक्षा गरुन् भगवान्ले ।८।
युग युग बाँच मेरी आमा यही हो मेरो चाहना
सुस्वास्थ्य, दीर्घायू प्रगति आमा हजुरलाई शुभकामना ।९।
पुल्चोक, ललितपुर