एसीसी प्रिमियर कप : सेमिफाइनलमा नेपालले कुवेतसँग प्रतिस्पर्धा गर्ने
बिहीबार, १४ वैशाख २०८०, २२ : ४४
काठमाडौँ । राजधानीमा जारी एसीसी प्रिमियर कप क्रिकेटमा नेपालले सेमिफाइनलमा कुवेतसँग प्रतिस्पर्धा गर्ने भएको छ । बिहीबार हङकङलाई ३० रनले हराएसँगै कुवेतले नेपाललाई सेमिफाइनलमा प्रतिस्पर्धी पाएको हो ।
नेपाल आजै सम्पन्न आफ्नो खेलमा कतारलाई हराउँदै सेमिफाइनलमा पुगेको थियो । नेपाल र कुवेतबीचको सेमिफाइनल खेल शनिबारका लागि तय भएको छ ।