कांग्रेसले मुख्यमन्त्री शर्माको पक्षमा मत दिने
शुक्रबार, १५ वैशाख २०८०, १६ : ३०
सुर्खेत । नेपाली कांग्रेसले कर्णाली प्रदेशका मुख्यमन्त्री राजकुमार शर्मालाई विश्वासको मत दिने भएको छ ।
शुक्रबार मुख्यमन्त्री शर्माले विश्वासको मत सम्बन्धी दर्ता गराएको पस्तावमाथि छलफलमा भाग लिँदै कांग्रेस कर्णाली प्रदेश संसदीय दलका नेता जीवनबहादुर शाहीले मुख्यमन्त्री शर्मालाई विश्वासको मत दिने बताएका हुन् ।
शाहीले संघीयतासँगै देशमा थुप्रै परिवर्तनका रेखाहरु कोरिएको बताए । पछिल्लो समयमा दलहरुप्रति जसरी आवाज उठिरहेका छन्, तिनै दलहरुका कारण थुप्रै परिवर्तन आएको उनको भनाइ छ ।
यस्तै शाहीले कर्णाली प्रदेश बनाउन सबै मिलेर जानुपर्ने धारणा राखेका छन् ।