एसीसी प्रिमियर कप
नेपाललाई चौथो सफलता, करनलाई तेस्रो
शनिबार, १६ वैशाख २०८०, १५ : ११
काठमाडौँ । एसीसी प्रिमियिर कप अन्तरगतको सेमिफाइनल खेलमा कुवेतले चौथो विकेट गुमाएको छ । करन केसीले ९ रन बनाएका राभिजा सान्दारुवानलाई आउट गरेका हुन् । दीपेन्द्र सिंह ऐरीले सान्दारुवानको उत्कृष्ट क्याच लिएका थिए ।
खेलमा केसीको यो तेस्रो विकेट हो । यस अघि उनेले ५ रन बनाएर मित भावसार र शून्य रन बनाएका अदनान इद्रिसलाई आउट गरेका थिए ।
त्यस्तै खेलमा सोमपाल कामीले एक विकेट लिएका छन् । उनले परविन्दर कुमारलाई आउट गरेका थिए । कुमार एक रन बनाएर एलबीडब्लु आउट भए । मात्र १९ रन बनाउँदा कुवेतका ४ खेलाडी पभिलियन फर्किसकेका छन् ।