फष्टलुकमा यस्तो देखियो ‘परस्त्री’
शुक्रबार, २२ वैशाख २०८०, १६ : ०२
काठमाडौँ । फिल्म ‘परस्त्री’ को फष्टलुक सार्वजनिक भएको छ । निर्माण युनिटले फिल्मको ४ पोष्टर फष्टलुकको रुपमा बाहिर ल्याएको हो ।
पोस्टरमा फिल्मका मुख्य कलाकार कोशिस क्षेत्री, शिल्पा मास्के र गौरव बिष्ट देखिएका छन् । फिल्म आगामी असार १५ गतेबाट प्रदर्शनमा आउँदैछ । फिल्ममा कोशिस, शिल्पा र गौरवको अलिसा क्षेत्री, आशान्त शर्माको मुख्य भुमिका रहेको छ ।
विवाहेत्तर सम्बन्धले निम्त्याउने पारिवारिक र सामाजिक संकटको कथाबस्तुमा निर्माण भएको फिल्म काठमाडौँ र मुस्ताङमा छायांकन गरिएको हो । फिल्मका निर्देशक सुरज पाण्डे हुन् ।
डीएस डिजिटलको ब्यानरमा निर्माण भएको फिल्ममा शर्मिला पाण्डे र दीपेन्द्र के खनालले निर्माणमा सहकार्य रहेको छ । नेपालीसँगै हिन्दीमा पनि रिलिज हुने फिल्मको हाल भारतको मुम्बईमा प्राविधिक काम भइरहेको छ ।