राजनीति
एमाले बैठक : प्रतिवेदनमाथि आठ समूहमा छलफल हुने
बिहीबार, २८ वैशाख २०८०, १७ : ४८
काठमाडौँ । नेकपा एमालेको जारी केन्द्रीय कमिटी बैठकमा ‘मिसन ग्रासरुट’बारे सातै प्रदेशबाट पेश भएका प्रतिवेदनमाथि समूहगत छलफल हुने भएको छ ।
बैठकको पहिलो दिन अध्यक्ष केपी शर्मा ओलीले राजनीतिक प्रतिवेदन पेश गरेका थिए भने सातै प्रदेशसहित आयोग अध्यक्षहरुले प्रतिवेदन पेश गरेका छन् । ती प्रतिवेदनमाथि शुक्रबार समूहगत छलफल हुने पार्टी उपमहासचिव समेत रहेका प्रचार विभाग प्रमुख पृथ्वीसुब्बा गुरुङले जानकारी दिए ।
‘प्रतिवेदनमाथि भोलिबाट आठ समूहमा छलफल हुन्छ’, गुरुङले गत फागुन २ गतेबाट सुरु भएको मिसन ग्रासरुट अभियान उत्साह र सहभागितामूलक बनेको भन्दै यसले पार्टी सुदृढीकरणमा सहयोग पुग्ने विश्वास व्यक्त गरे ।