कर्णाली र सुदूरपश्चिममा एयर एम्बुलेन्स सञ्चालन गरिने
शुक्रबार, ०५ जेठ २०८०, १८ : ०९
काठमाडौँ । नसर्ने रोग कार्यक्रम र संक्रमण रोगका लागि विशेष कार्यक्रम सञ्चालन गरिने भएको छ । राष्ट्रपति रामचन्द्र पौडेलले आगामी आर्थिक वर्षको नीति तथा कार्यक्रम प्रस्तुत गर्दै सर्ने र नसर्ने रोगका लागि छुट्टाछुट्टै कार्यक्रम ल्याएको बताए ।
यस्तै, दुर्गम क्षेत्रमा स्वास्थ्य सेवा नपाई अल्पायुमा हुने मृत्यु रोक्न सुदूरपश्चिमका पहाडी र कर्णाली प्रदेशका जिल्लामा दुई जिल्ला बराबर एक एयर एम्बुलेन्स सेवा सञ्चालन गरिने उनले बताए । नियमित रूपमा एयर एम्बुलेन्स सञ्चालन गरिने भएको छ ।