परराष्ट्रमन्त्री साउदद्वारा राहदानी विभागको अनुगमन
आइतबार, ०७ जेठ २०८०, १३ : १९
काठमाडौँ । परराष्ट्रमन्त्री एनपी साउदले आज राहदानी विभागको अनुगमन गरेका छन् । सर्वसाधरणले राहदानीका लागि लाइन लाग्ने गरेको कुरा चर्चामा आएपछि मन्त्री साउद विभागको अनुगमनमा पुगेका हुन् ।
मन्त्री भएपछि साउदले पहिलोपटक राहदानी विभागको अनुगमन गरेका उनको निजी सचिवालयले जनाएको छ । । यसअघि तत्कालीन गृहमन्त्री रवि लामिछानेले पनि विभागको अनुगमन गरेका थिए ।
मन्त्री साउदले अनुगमनका क्रममा कर्मचारीहरुसँग छलफल गर्दै सेवाग्राहीलाई समयमै सेवा उपलब्ध गराउन निर्देशन दिएका छन् ।