'सम्पदा बस' सेवा सुरु, सम्पदाहरूको दृश्यावलोकन गर्न पाइने

एक्सक्लुसिभ स्टोरी Unicode Converter

युनिकोड

मिति रूपान्तरण

आइतबार, ०६ असोज २०८१

ताजा

ताजा
लोकप्रिय

२४ घन्टाका ताजा अपडेट

फोटोफिचर

'सम्पदा बस' सेवा सुरु, सम्पदाहरूको दृश्यावलोकन गर्न पाइने

सुवास श्रेष्ठ

मङ्गलबार, ०९ जेठ २०८०

ललितपुर । आजदेखि काठमाडौँ उपत्यकामा 'सम्पदा बस' सञ्चालनमा आएको छ । काठमाडौँ उपत्यकाका सम्पदाहरूको दृश्यावलोकन गराउने उद्देश्यसहित आजबाट 'सम्पदा बस' सेवा सञ्चालनमा ल्याइएको हो । मंगलबार दिउँसो एक कार्यक्रमबीच पर्यटन मन्त्री सुदन किरातीले बस सेवाको उद्घाटन गरेका हुन् । कार्यक्रममा ललितपुर महानगरमा प्रमुख चिरिबाबु महर्जनको पनि उपस्थिति रहेको थियो ।

नेपाल पर्यटन बोर्डको व्यवस्थापनमा दुई वटा विद्युतीय बसहरूमार्फत काठमाडौँ उपत्यकाका सम्पदा देखाइने प्रमुख कार्यकारी अधिकृत धनञ्जय रेग्मीले जानकारी दिए । उनका अनुसार विश्व सम्पदा सूचीमा सूचीकृत काठमाडौँ उपत्यकाभित्रका सम्पदाहरूसम्म सम्पदा घुम्ती बस सेवाका रूपमा मंगलबारबाट ‘हप अन हप अफ बस’ सञ्चालन हुनेछन् ।

‘हप अन हप अफ बस’ सेवामार्फत पाटन दरबार स्क्वायर, काठमाडौँ दरबार स्क्वायर, नारायणहिटी दरबार सङ्ग्रहालय, पशुपतिनाथ मन्दिर, बौद्धनाथ र स्वयम्भूसम्म प्रारम्भिक चरणमा घुम्ती सेवा सञ्चालन हुनेछ। तत्कालका लागि यो सम्पदा बस सेवा निःशुल्क प्रयोगमा ल्याइने छ ।