पोखरीमा लुकाएर राखेको ३ थान सालको गोलिया बरामद
मङ्गलबार, ०९ जेठ २०८०, २० : ५२
बारा । डिभिजन वन कार्यालय बाराले पोखरीमा लुकाई राखेको ३ थान सालको गोलिया बरामद गरेको छ ।
विशेष सूचनाका आधारमा खटिएको वन कर्मचारी र वन रक्षकको टोलीले मंगलबार बाराको कोहल्वी नगरपालिका वडा नं ५ बोधवनको पोखरीमा लुकाएर राखेको ३ वटा सालका गोलिया बरामद गरेको हो ।
माछा पोखरीमा लुकाई राखेको गोलिया बरामद गरी बोधवन पोष्टमा राखिएको डिभिजन वन कार्यालय बाराले जनाएको छ । यस विषयमा थप अनुसन्धान भइरहेको वन कार्यालयले जनाएको छ ।