गोप्य दस्ताबेजलाई आफ्नो बाथरुम र बल रुममा राखेको आरोपमा अमेरिकाका राष्ट्रपति डोनाल्ड ट्रम्पले आफ्नो जवाफ दिएका छन् । 

शनिवार प्रचारका बेला दुई सभालाई सम्बोधन गर्दै उनले एफबीआई र न्याय विभागलाई भ्रष्ट बताउँदै यो सबै चुनावमा दखल दिनका लागि गरिएको बताएका छन् ।

जर्जियामा रिपब्लिकन पार्टीको पहिलो सम्मेलनमा बोल्दै उनले भने, ‘उनीहरुले धोका दिइरहेका छन् । उनीहरू दुष्ट र भ्रष्ट छन् । यी अपराधीलाई इनाम दिन सकिँदैन, उनीहरूलाई पराजित गर्नुपर्छ ।’

ट्रम्पलाई गोप्य दस्ताबेज गलत तरिकाले सम्हालेर राखेको आरोप लागेको छ जसमध्ये केही दस्ताबेज परमाणु हतियार र सैन्य योजनासँग सम्बन्धित छन् । 

उनीमाथि पटक पटक गोप्य कागजात मानिसलाई देखाएको र एजेन्सी अनुसन्धानका लागि आउँदा भ्रमित पारेको आरोप छ । 

Following his indictment, Donald Trump alleged that President Joe Biden orchestrated the criminal charges to undermine his rival's presidential campaign. There is no evidence to support Trump's claims https://t.co/iFcmOA5PPG pic.twitter.com/NfsUiNvmi4

— Reuters (@Reuters) June 11, 2023

ट्रम्पले यसअघि नै सन् २०२४ को अमेरिकी राष्ट्रपतिको चुनाव लड्ने घोषणा गरिसकेका छन्, जसका लागि उनले चुनावी सभाहरूलाई सम्बोधन गरिरहेका छन् । उनले भने, ‘म कहिल्यै झुक्ने छैन, म कहिल्यै डराउने छैन ।’

अभियोगमा बोल्दै ट्रम्पले अति संवेदनशील कागजातलाई जासुसी अधिनियमको साटो राष्ट्रपति अभिलेख अधिनियम अन्तर्गत आउनुपर्ने बताए ।

अमेरिकाका राष्ट्रपति अभिलेख अधिनियम अन्तर्गत कार्यकाल पूरा भएपछि ह्वाइट हाउसको रेकर्ड राष्ट्रिय अभिलेखमा राखिन्छ ।