दुईवटा संसदीय समितिको बैठक बस्दै
सोमबार, ०४ असार २०८०, ०९ : १६
काठमाडौँ । पूर्वाधार विकास समितिको बैठक सोमबार बस्दैछ । बैठक बिहान ११ बजेबाट सुरु हुनेछ । आजको बैठकमा भौतिक पूर्वाधार तथा यातायात मन्त्रालयको विनियोजित बजेटबारे छलफल हुनेछ ।
आज नै दिगो विकास तथा सुशासन समितिको बैठक बस्दैछ । समितिको बैठक आज बिहान साढे ११ बजे बस्नेछ । आजको बैठकमा दिगो विकास लक्ष्य कार्यान्वयन सम्बन्धमा विभिन्न राष्ट्रिय, अन्तर्राष्ट्रिय गैरसरकारी एवं सामाजिक संस्थासँग छलफल हुनेछ ।