जसपाले बोलायो कार्यकारिणी समितिको बैठक
बुधबार, ०६ असार २०८०, २१ : ०९
काठमाडौँ । जनता समाजवादी पार्टी नेपालले बिहीबार कार्यकारिणी समितिको बैठक बोलाएको छ । जसपाका प्रवक्ता एवं कार्यकारिणी सदस्य मनिष सुमनकाअनुसार असार ९ गते केन्द्रीय समिति र १० गते हुने विधान अधिवेशनको बारेमा छलफलका लागि कार्यकारिणी समितिको बैठक बस्न लागेको हो ।
विधान अधिवेशनको तयारी तथा संशोधन विधान मस्यौंदामाथि छलफलका लागि बैठक बोलाएको बताउँदै उनले पार्टीकाे विधान संशोधन गरी तयार पारिएको मस्यौंदामाथि छलफल गरी त्यसलाई पारित गर्ने र राजनीतिक समितिमा पठाउने बताइएको छ ।