कविता
भ्रष्टाचारको जालो
शनिबार, ०९ असार २०८०, १४ : ०६
कहिले कसको पालो
कहिले कसको पालो
हाम्रै देशमा किन आयो
भ्रष्टाचारको जालो
जति जाल हाने पनि
भुरा माछा मात्रै
छोयो कि त हातै जल्ने
ठुला ठुला पात्रै
कोही श्रीमती कोही छोरो
कोही हुने सालो
फैलिएरै किन जान्छ
भ्रष्टाचारको जालो
गरिबी, दुःख हटाउँछौँ
भन्थे कुनै दिन
उही मान्छे पटक पटक
भ्रष्टाचार गर्छन् किन
शरण पर्नेको नाउँ बेची
छली छली के खानु
इज्जतै फाली बाँच्नु व्यर्थ
एकदिन छ मरी जानु ।
हालः लस एन्जेलस