जसपाको विधान अधिवेशन सुरु
आइतबार, १० असार २०८०, १३ : ५९
काठमाडौँ । जनता समाजवादी पार्टीको विधान अधिवेशन सुरु भएको छ । विधान अधिवेशनको उद्घाटन जसपाका अध्यक्ष उपेन्द्र यादवले गरेका हुन् ।
विभिन्न पार्टीसँग एकीकरण गर्दै बनेको जसपा नेपाललाई रूपान्तरण गर्नका लागि अन्तरिम विधानलाई संशोधन गर्नका लागि विधान अधिवेशन बोलाएको हो । अधिवेशनमा आफ्नो शुभकामना मन्तव्य दिँदै कार्यकारिणी सदस्य शिवलाल थापाले यो अधिवेशनले प्रगतिशील र वैज्ञानिक विधान बनाउने विश्वास लिएको बताए ।