ओली स्वदेश फिर्ता
सोमबार, ०८ साउन २०८०, २२ : १४
काठमाडौँ । नेकपा एमालेका अध्यक्ष केपी शर्मा ओली स्वदेश फिर्ता भएका छन् । कम्बोडियाको निर्वाचन पर्यवेक्षणका लागि साउन २ मा कम्बोडिया गएका ओली ओली सोमबार राति स्वदेश फर्किएका हुन् ।
अध्यक्ष ओलीसँगै पत्नी राधिका शाक्य, उपमहासचिव विष्णु रिमाल र सचिवालयका अन्य सदस्यहरू कम्बोडिया गएका थिए । कम्बोडियाको कार्यक्रम सकेर स्वदेश फर्किँदा ओलीलाई त्रिभुवन अन्तर्राष्ट्रिय विमानस्थलमा वरिष्ठ उपाध्यक्ष ईश्वर पोखरेललगायतका नेताहरु स्वागत गर्न पुगेका थिए ।