छालामा उमेरसँगै फाइन लाइन्स आउनु वा चाउरी पर्नु स्वाभाविक हो तर २० वर्षको उमेरमा अनुहारमा ४० का जस्ता लक्षण देखिन थाल्यो भने छालाको हेरचाहमा कमी भएको हो भनेर बुझ्नुपर्ने हुन्छ । यहाँ हामी तपाईंलाई केही घरेलु उपायबारे जानकारी दिँदै छौँ जसले धेरै समय अघिदेखि छालालाई कसिलो बनाउने काम गर्दै आएको छ ।

अण्डा 

अण्डाको सेतो भागको मद्दतले बुढ्यौलीको प्रक्रियालाई सुस्त बनाउन सकिन्छ । अण्डाको सेतो भागमा भरपुर मात्रामा प्रोटिन पाइन्छ यसले छाला कसिलो पार्ने काम गर्छ । यसको प्रयोग गर्नका लागि एउटा कचौरामा अण्डाको सेतो भाग लिनुहोस् र कपास वा ब्रसको मद्दतले अनुहार र गर्धनमा लगाउनुहोस् । १५–२० मिनेटका लागि यसलाई छालामा रहिरहन दिनुहोस् र मनतातो पानीले धुनुहोस् ।

केरा

यसबाहेक अण्डाको मद्दतले पनि छाला कसिलो बनाउन सकिन्छ । केरामा भरपुर मात्रामा एन्टिअक्सिडेन्ट, मिनरल्स र भिटामिन पाइन्छ जसले छालामा बुढ्यौलीको लक्षणलाई कम गर्ने काम गर्छ । यसको मास्क बनाउनका लागि तपाईंले पाकेको केरालाई मुछेर अनुहारमा लगाउनुहोस् । १५ मिनेटपछि अनुहार सफा गर्नुहोस् । यसो गर्दा तपाईंको छालामा लचिलोपन आउँछ र अनुहार चम्किलो पनि हुन्छ ।

दही र महको मास्क

दही र महको मास्कले पनि छालाको रुखोपनालाई हटाउँछ र बुढ्यौलीपनको गतिलाई कम गर्छ । यसलाई बनाउनका लागि एक वा दुई चम्चा दही लिनुहोस् र यसमा केही थोपा मह मिसाएर पेस्ट बनाउनुहोस् । अब यसलाई आफ्नो अनुहार र गर्धनमा लगाउनुहोस् । वास्तवमा, दहीमा ल्याक्टिक एसिड पाइन्छ र छाला कसिलो ल्याउन र एक्सफोलिएट गर्न मद्दत गर्छ । जबकि मह मोइस्चुराइटिङ र पौष्टिकताले भरपुर हुन्छ ।

मेवा

मेवाको मास्कले अनुहारमा तत्काल चमक ल्याउन मद्दत त गर्छ नै यसले अनुहारमा छालालाई कसिलो बनाउने काम गर्छ । यसको प्रयोग गर्नका लागि पाकेको मेवा लिनुहोस् र राम्रोसँग मुछेर पेस्ट बनाउनुहोस् । अब यसलाई अनुहार र घाँटीमा लगाउनुहोस् । वास्तवमा, मेवामा एन्जाइम र एन्टिअक्सिडेन्ट भरपुर मात्रामा हुन्छ जसले छाला कसिलो बनाउने काम गर्छ ।

तेल

तपाईं जैतुन, बदाम र नरिवलको तेलको मद्दतले पनि छालामा बुढेसकालको लक्षण कम गर्न सक्नुहुन्छ । यसका लागि तपाईंसँग यीमध्ये जुन तेल भए पनि त्यसले मालिस गर्नुहोस् । सधैँ भर्जिन ओयल लिनुहोस् । यसमा भरपुर मात्रामा एन्टिअक्सिडेन्ट र गुड फ्याट हुन्छ जसले छालालाई पोषण दिने काम गर्छ ।