कानुनमन्त्री गुरुङ उपचारपछि घर फिर्ता
आइतबार, २८ साउन २०८०, २३ : १२
काठमाडौँ । नेपाली कांग्रेसका उपसभापति एवं कानुन, न्याय तथा संसदीय मामिलामन्त्री धनराज गुरुङ स्वास्थ्य उपचारपछि आज घर फर्किएका छन् ।
कानुनमन्त्री गुरुङ गत बिहीबार बिहान एक्कासी ‘ब्लड प्रेसर लो’ भएपछि उपचारका लागि महराजगञ्जस्थित मनमोहन कार्डियोथेरासिस एण्ड ट्रान्सप्लान्ट सेन्टरमा भर्ना भएका थिए ।
मन्त्री गुरुङ स्वास्थ्य लाभ गरी आइतबार साँझ अघि मन्त्री क्वार्टर पुल्चोक फर्किएका उनका स्वकीय सचिव प्रेमप्रकाश केसीले जानकारी दिए । अस्पतालमा रहँदा मन्त्री गुरुङलाई त्रिभुवन शिक्षण अस्पताल मनमोहन कार्डियोथेरासिस एण्ड ट्रान्सप्लान्ट सेन्टरका निर्देशक डा रत्नमणि गजुरेल नेतृत्वको टोलीले उपचार गरेको थियो ।