दिमागमा योजना नभएका नेताको पार्टीमा काम छैन : उपमहासचिव शर्मा
मङ्गलबार, ०५ भदौ २०८०, २१ : ०६
भक्तपुर । नेकपा माओवादी केन्द्रका उपमहासचिव जनार्दन शर्माले डायरीमा काम गर्ने रुटिन र दिमागमा योजना नभएको नेता कार्यकर्तालाई माओवादीमा सजिलो नहुने बताएका छन् । उनले नेता कार्यकर्ताले आफूलाई समयसँगै अपडेट नगरे 'आउट डेटेड' हुने बताए ।
भक्तपुरको ठिमीमा मंगलवार 'जनतासँग माओवादी विशेष रूपान्तरण अभियान' कार्यक्रममा बोल्दै शर्माले माओवादीले आगामी विशेष अधिवेशनबाट नेता कार्यकर्ता छान्ने कुरालाई व्यवस्थित गरिने बताए । कार्यकर्ताको मन नजिती नेता हुने परिपाटीको अन्त्य हुने भन्दै उनले जनतामा जान सुझाव दिए ।
बागमती प्रदेशको इन्चार्ज समेत रहेका शर्माले समय बदलिएको तर नेता कार्यकर्तामा परिवर्तन नआएको बताए ।