मुम्बई । प्रभास स्टारर फिल्म सालारले विदेशी अग्रिम बुकिङमा शाहरुख खानको आगामी फिल्म जवानलाई पछि पारेको छ ।

ट्रेड विश्लेषक मनोबाला विजयबलनका अनुसार, सालारले विदेशमा अग्रिम बुकिङ अमेरिकाबाट अहिलेसम्म ४.१४ करोड भारतीय रुपैयाँ कमाएको छ भने जवानले अग्रिम बुकिङबाट अहिलेसम्म १.७५ करोड भारतीय रुपैयाँ कमाएको छ।

सालारमा प्रभाससँगै पृथ्वीराज सुकुमारन, श्रुति हासन र जगपति बाबु मुख्य भूमिकामा छन्। फिल्मका निर्देशक प्रशान्त नील हुन् । यो तेलुगु एक्शन थ्रिलर फिल्ममा एक अन्डरवर्ल्ड माफिया नेताको कथामा आधारित छ । फिल्म सेप्टेम्बर २८ मा रिलिज हुँदैछ । फिल्म सेप्टेम्बर २७ मा अमेरिकामा प्रिमियर हुनेछ ।

भारतमा जवानको अग्रिम बुकिङ सुरु, एक घण्टामा २० हजारभन्दा बढी टिकट बिक्री

यसबाहेक भारतमा पनि जवानको अग्रिम बुकिङ सुरु भएको छ । चलचित्रको बुकिङ सुरु भएको एक घण्टामा करिब २० हजार २६० टिकट बुक भइसकेको छ । रिपोर्टका अनुसार मुम्बईमा टिकटको मूल्य २,३०० रुपैयाँ छ भने दिल्लीमा २,४०० रुपैयाँमा अग्रिम टिकट उपलब्ध छ।

अमेरिकामा जवानको १८८४ शो

अगस्ट २८ सम्म अमेरिकामा जवानको १८८४ शोका लागि १३ हजार ७५० अग्रिम टिकट बुकिङ भइसकेको छ । ट्रयाकर निशित शाका अनुसार फिल्मले अमेरिका र क्यानडामा अग्रिम बुकिङबाट अहिलेसम्म १.८५ करोड भारु कमाइसकेको छ । अमेरिकामा टेक्सास र क्यालिफोर्नियाबाट मात्रै १.६५ करोड भारुको टिकट बुकिङ भएको छ ।

यूकेमा अग्रिम बुकिङ मार्फत ७७ लाख

निशित शाले यूकेमा जवानको अग्रिम बुकिङको अवस्था पनि सेयर गरेका छन् । उनले एक्समा लेखेका छन्, ‘फिल्मले अहिलेसम्म एडभान्स बुकिङबाट ७७ लाख भारतीय रुपैयाँ कमाएको छ ।’

शाहरुख खानकै यसअघिको फिल्म पठान बेलायतमा सबैभन्दा धेरै कमाउने भारतीय फिल्म हो । फिल्मले बेलायतमा करिब ४५ करोड भारु कलेक्सन गरेको थियो । फिल्मले ओपनिङ डेमै ३ करोड कमाएको थियो ।

यता जवान सेप्टेम्बर ७ मा रिलिज हुँदैछ । फिल्मका निर्देशक एट्ली हुन् । फिल्ममा शाहरुख खानसँगै विजय सेतुपति र नयनतारा पनि देखिनेछन् । फिल्म हिन्दी, तमिल र तेलुगु भाषामा विश्वभर रिलिज हुनेछ । फिल्ममा सान्या मल्होत्रा ​​र प्रियमणी पनि देखिनेछन् । दीपिका पादुकोण केमियो रोलमा देखिनेछिन् ।