तस्बिरमा हेर्नुहोस् चीनमा एसियाली खेलकुद खेल्ने खेलाडीको बिदाइ

एक्सक्लुसिभ स्टोरी Unicode Converter

युनिकोड

मिति रूपान्तरण

आइतबार, ०६ असोज २०८१

ताजा

ताजा
लोकप्रिय

२४ घन्टाका ताजा अपडेट

फोटोफिचर

तस्बिरमा हेर्नुहोस् चीनमा एसियाली खेलकुद खेल्ने खेलाडीको बिदाइ

सुवास श्रेष्ठ

बिहीबार, २८ भदौ २०८०

काठमाडौँ । १९ औँ एसियाली खेलकुद खेल्न चीन जाने नेपाली खेलाडीहरूको बिदाइ गरिएको छ । बिहीबार प्रधानमन्त्रीको सरकारी निवास बालुवाटारमा खेलाडीहरूको बिदाइ गरिएको हो ।

सो अवसरमा प्रधानमन्त्री पुष्पकमल दाहाल प्रचण्डले एसियाली खेलका लागि नेपाली खेलाडीलाई चीनमा राम्रो व्यवस्थापन भइसकेकाले चिन्ता नलिन आग्रह गरे । यस्तै उनले खेलाडीलाई घोषणा गरेको पुरस्कार शुक्रवारको मन्त्रीपरिषद् बैठकबाट निकासा हुने बताए ।

उनले देशमा आधुनिक सुविधा सम्पन्न रंगशाला बनाउने, कभर्ड हल बनाउने वा विभिन्न विधाका खेलहरुको निम्ति आवश्यक पर्ने पूर्वाधार निर्माणमा चीन भ्रमणमा खेल क्षेत्रकै प्रगतिका लागि उल्लेख्य पहल गर्ने प्रतिबद्धता जनाए ।

विश्वका ४५ देशको सहभागिता रहने प्रतियोगितामा नेपालको तर्फबाट २९ खेलमा १२७ जना महिला र १२६ जना पुरुष गरी २५३ जना खेलाडीले प्रतिस्पर्धा गर्ने तय भएको छ ।