एसियाली खेलकुद : प्रारम्भिक चरणमै हारे नेपाली बक्सिङ खेलाडी संगीता र दिपक
आइतबार, ०७ असोज २०८०, १७ : ४७
काठमाडौँ । चीनमा जारी १९औँ एसियाली खेलकुद प्रतियोगितामा आइतबार नेपाली बक्सिङ खेलाडी संगीता सुनार र दिपक श्रेष्ठले पराजित भएका छन् । संगीता भियतनामकी खेलाडी थी लिन्हसँग अंकको आधारमा पराजति भएकी हुन् ।
आइतबार दिउँसो हाङ्झाओ जिम्नेजियममा भएको महलिा ५७ देखि ६० केजी तौलसमूहको प्रारम्भिक चरणको खेलमा संगीतालाई भियतनामकी खेलाडीले ५-० अंकले पराजति गरेकी हुन् ।
यसैगरी पुरुषतर्फको ७१ देखि ८० केजी तौल समूहमा नेपालका दिपक उज्वेकिस्तानका टुराबेक खाबिबुल्लभसँग ५–० अंककै आधारमा पराजित भए । दिपक पनि प्रारम्भिक चरणकै खेलमा पराजित भएका हुन् ।