एक्सक्लुसिभ स्टोरी
युनिकोड
मिति रूपान्तरण
चेल्सीको खराब सुरुवात कायमै
आइतबार, ०७ असोज २०८०, २१ : १२
लण्डन । १० खेलाडीमा सीमित बनेको चेल्सी आफ्नै घरेलु मैदानमा एस्टन भिल्लासँग पराजित भएको छ । यो सिजन निकै खराब सुरुवात गरेको चेल्सी १–० गोलले स्तब्ध बनेको हो ।
माउरिसयो पोचेटिन्होको टोलीले गोलका लागि थुप्रै अवसर सिर्जना गरे पनि त्यसलाई परिणत भने गर्न सकेन । ५८ औँ मिनेटमा लुकास डिन्येलाई फल हानेपछि मालो गुस्टोले रातो कार्ड पाए । चेल्सीको एक खेलाडी कम भएको फाइदा उठाउँदै ओली वाटकिन्सले खेलको ७७ औँ मिनेटमा पाहुना टोलीका लागि निर्णायक गोल गरे ।
६ खेलबाट चेल्सीले मात्र १ मा जीत हासिल गर्दै ५ अङ्क बटुलेको छ । टोली लिगको १४ औँ स्थानमा सीमित रहेको छ । भिल्ला भने समान खेलबाट चौथो जीतसहित लिगको छैटौँ स्थानमा उक्लिएको छ ।
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
