दक्षिण कोरियामा विपिन कुमार गुरुङको संयोजकमा राष्ट्रिय समन्वय कमिटी गठन
सोमबार, १५ असोज २०८०, १५ : ४७
काठमाडौँ । गैरआवासीय नेपाली संघ (एनआरएनए) दक्षिण कोरियामामा विनोद कुँवर पक्षधरले छुट्टै कमिटी (राष्ट्रिय समन्वय परिषद्) गठन गरेको छ । कुँवरको प्रमुख आतिथ्य तथा सचिव जुनु गुरुङको विशेष आतिथ्यमा भएको भेलाबाट विपिन कुमार गुरुङको संयोजकत्वमा समिति गठन गरिएको हो ।
समितिको उपाध्यक्षमा महेश बजागाई, जित कुँवर तथा महासचिवमा प्रशान्तराज बानियाँ, सचिवमा अवदेश राज चौरासिया, सहकोषाध्यक्षमा मदन गौतम, युवा संयोजकमा अजय सोडारी, महिला संयोजकमा सोरी रानाभाट चयन भएका छन् ।
यसैगरी सदस्यहरुमा युवराज गौतम, नरेश शर्मा, अविरल राम वुढाथोकी, विमला सुनुवार र गोबिन्द पोखरेल चयन भएका छन् ।
बाँकी रहेका रिक्त पदहरु कार्यसमितिले चाँडै परिपूर्ति गर्ने निर्णय भएको अध्यक्ष कुँवरले बताए ।
एनआरएनएको कुँवर पक्षको विभिन्न देशमा राष्ट्रिय कमिटी गठन भइरहेका छन् ।