हत्या अभियोगका फरार युवक ६ वर्षपछि पक्राउ
आइतबार, २१ असोज २०८०, २० : ४२
सिरहा । हत्या अभियोगका फरार युवक ६ वर्षपछि पक्राउ परेका छन् ।
सिरहा प्रहरीले जिल्लाको मिर्चैया नगरपालिका १ का २७ वर्षीय नन्दा भन्ने उमेश उराउलाई पक्राउ गरेको हो ।
कर्जन्हा नगरपालिका १० का शशि भूषण प्रसाद साहको हत्यामा संलग्न रहेको आरोपमा उराउलाई पक्राउ गरिएको प्रहरीले जनाएको छ । साहको २०७४ असोज २३ गते आफ्नै घरमा हत्या भएको प्रहरीले जनाएको छ ।
उराउलाई आइतबार मिर्चैया नगरपालिका १ घरबाटै नियन्त्रणमा लिएको जिल्ला प्रहरी कार्यालय सिरहाका सूचना अधिकारी रविन्द्र राज पाण्डेले जानकारी दिए ।