कांग्रेस संसदीय दलको बैठक मंगलबार बस्ने
सोमबार, २२ असोज २०८०, २१ : ०६
काठमाडौँ । सत्तारूढ दल नेपाली कांग्रेस संसदीय दलको बैठक मंगलबार बस्ने भएको छ ।
कांग्रेस संसदीय दलले सोमबार एक विज्ञप्ति जारी गर्दै मंगलबार संघीय संसद् भवन नयाँ वानेश्वरमा बैठक बस्ने जानकारी दिएको हो ।
बैठकमा मुलुकको समसामयिक अवस्था तथा गत शनिबार इजरायलमा भएको आतंकवादी आक्रमण र त्यसबाट त्यहाँ रहेका नेपाली नागरिकले झेल्नु परेको विषम परिस्थितिका बारेमा छलफल हुने जनाइएको छ ।