एक्सक्लुसिभ स्टोरी
युनिकोड
मिति रूपान्तरण
इजरायलमै बस्नेभन्दा फर्कन चाहने नेपालीको संख्या बढी
काठमाडौँ । इजरायलमै बस्नेभन्दा फर्कन चाहने नेपालीको संख्या बढी पाइएको छ । सरकारले नेपाल फर्किन तथा उद्धार हुन चाहनेका लागि अनलाइन रजिष्ट्रेशनमार्फत विवरण माग गरेको थियो ।
इजरायलमै बस्नेभन्दा फर्कन चाहनेको विवरण बढी रहेको परराष्ट्र मन्त्रालयले जनाएको छ । मन्त्रालयका अनुसार उद्धार हुन तथा नेपाल फर्कन चाहने ३२४ जना नेपाली नागरिकहरुले राजदूतावासको अनलाइन रजिष्ट्रेशन प्रणालीमार्फत विवरण उपलब्ध गराएका छन् । जसमा २८८ जनाले नेपाल फर्कन र ३६ जनाले स्थानान्तरण हुन चाहेको बताएका छन् ।
यसैबीच परराष्ट्रमन्त्री एनपी साउदले आफ्नो इजरायलका समकक्षीसँग टेलिफोन संवाद गरेका छन् । संवादमा उनीहरुबीच निधन भएका नेपालीहरुको शव स्वदेश ल्याउन, नेपालीहरुलाई सुरक्षित स्थानमा स्थानान्तरण गर्न र स्वदेश फर्कन चाहने नेपालीहरुलाई सहजीकरण गर्ने विषयमा कुराकानी भएको मन्त्रालयले जनाएको छ ।
इजरायल हमासले शनिबार गरेको आक्रमणमा १० जना नेपाली विद्यार्थीको ज्यान गएको थियो ।
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
