पाल्पामा मोटरसाइकल दुर्घटनामा एक जनाको मृत्यु
बिहीबार, १३ वैशाख २०८१, १६ : ५१
बुटवल । पाल्पामा मोटरसाइकल दुर्घटनामा परी एक जनाको मृत्यु भएको छ । स्याङ्जादेखि बुटवलतर्फ आउँदै गरेको लु १४ प ८८७१ नम्बरको मोटरसाइकल सिद्धार्थ राजमार्ग अन्तरगत पाल्पाको बिरौटामा दुर्घटना हुँदा स्याङ्जा वालिङ नगरपालिका–५ का ४१ वर्षीय मोहनीलाल थापाको मृत्यु भएको प्रहरीले जनाएको हो ।
दुर्घटनामा परी घाइते भएका थापाको उपचारको लागि जिल्ला अस्पताल पाल्पा पठाइएकोमा डाक्टरले मृत घोषणा गरेका पाल्पाका प्रहरी नायव उपरीक्षक सुगन्ध श्रेष्ठले जानकारी दिएका छन् । उनले घटनाबारे थप अनुसन्धान जारी रहेको बताए ।