आईसीसी एकदिवसीय विश्वकप
नेदरल्याण्ड्सद्वारा बंगलादेशसामु २ सय ३० रनको लक्ष्य प्रस्तुत
बिहीबार, १३ वैशाख २०८१, १८ : ०१
कोलाकाता । नेदरल्याण्ड्सले भारतमा जारी एकदिवसीय विश्वकपमा बंगलादेशसामु २ सय ३० रनको लक्ष्य प्रस्तुत गरेको छ । टस जितेर पहिले ब्याटिङ गर्दै निर्धारित ५० ओभरमा सबै विकेट गुमाएर नेदरल्याण्ड्सले २ सय २९ रन बनाएको हो ।
नेदरल्याण्ड्सका लागि कप्तान स्कट एडवार्डस्ले सर्वाधिक ६८ रनको योगदान दिए । त्यस्तै, वेस्ली बारेसीले ४१ रनको योगदान दिए । साइब्रान्ड एन्जलबर्चले ३५ तथा लोगन भान विकले २३ रन जोडे ।
बंगलादेशका लागि सोरिफूल इस्लाम, ताक्सिन अहमद, मुस्तफिजुर रहमान र मेहदी हसनले २–२ विकेट लिए ।